Hakerët e lidhur me Kinën kanë hyrë në llogaritë e postave elektronike të agjencive dhe organizatave qeveritare perëndimore në një fushatë spiunazhi kibernetik, njoftoi Microsoft.
Këshilltari i Sigurisë Kombëtare i Shtëpisë së Bardhë, Jake Sullivan, dukej se konfirmoi akuzat të mërkurën, duke thënë se Shtetet e Bashkuara kishin zbuluar ndërhyrjet në llogaritë e qeverisë federale “mjaft shpejt” dhe se po hetojnë rastin.
Por, Kina i hodhi poshtë akuzat, duke i quajtur SHBA-në “perandorinë më të madhe të hakerëve në botë dhe hajdutin kibernetik global”.
Microsoft kishte thënë herët të mërkurën se grupi i hakerëve, i quajtur Storm-0558, falsifikoi argumentet e vërtetimit dixhital për të hyrë në llogaritë e postës së internetit që funksionojnë në shërbimin e tij Outlook. Aktiviteti filloi në muajin maj, raporton aljazeera.
“Ashtu si me çdo aktivitet të vëzhguar të aktorit të shtetit-komb, Microsoft ka kontaktuar të gjitha organizatat e synuara ose të komprometuara drejtpërdrejt dhe u ka ofruar atyre informacione të rëndësishme për t’i ndihmuar të hetojnë dhe të përgjigjen”, deklaroi kompania.
Microsoft nuk specifikoi se cilat organizata apo qeveri ishin prekur, por tha se grupi i hakerave i përfshirë kryesisht synon entitete në Evropën Perëndimore. /telegrafi
Kosova pjesë e marrëveshjes së ShBA-së për inteligjencë arti...
BE ankesë në OBT ndaj Kinës
“Shqipëria, një perlë e vërtetë e Ballkanit”
Sri Lanka, merr detyrën presidenti i majtë pas fitores së gj...
Komuna e Prishtinës në pritje të votimit të buxhetit për vit...
Qeveria emërton rrugën Ballaban – Banjskë me emrin e heroit ...